Wednesday, February 28, 2018

Pantun Anak Rantau Minangkabau

Pantun Anak Rantau Minangkabau- Sejak zaman dahulu masyarakat Minangkabau sudah terkenal dengan jiwa merantaunya. Bukan karena tidak suburnya tanah Minangkabau namun pada zaman dahulu itu merupakan sebuah pemahaman agar pemuda Minang kuat terhadap berbagai cobaan dalam kehidupan, sekaligus menyebarkan ajaran Agama Islam. Seperti para tokoh terkenal yang berasal dari Sumatera Barat : Buya Hamka, Mohammmad Hatta, Sutan Syahrir dan lain-lain.
Foto Pemuda Minangkabau Zaman Dahulu Belajar Silat
Sebelum merantau pemuda Minangkabau akan dibekali berbagai ilmu, baik itu agama dan pertahanan diri (silat).  Ditambah dengan pituah dan nasehat untuk pemuda agar selalu berada dijalan yang benar.

Berikut Contoh Pantun Anak Rantau Minangkabau

Elok-elok manyubarang
Jan sampai titian patah
Elok-elok di rantau urang
Jan sampai babuek salah

Kok bujang pai ka danau
Iyu bali balanak bali
Ikan panjang bali dahulu
Kalau bujang pai marantau
Induak cari dunsanak cari
Induak samang cari dahulu

Di nan dalam tak bagalombang
Di nan dangka nyo tak bariak
Di sakik hiduik indak tagamang
Ka nan kuaso inyo mamintak
Lihat juga : Pantun Ratok Anak Rantau Minangkabau
Tasabuik ulayaik minangkabau
Lareh duo luaknyo tigo
Nan tuo luak tanah data
Nan bonsu luak limo puluah
Nan tangah luak agam
Panjangnyo bakaratan,lawehnyo basibiran
Naknyo salamaik iduik di rantau
Pacik pitaruah nan tuo-tuo
Manompang lalu indak baa
Parik urang usah di runtuah
Isuak kok jadi buah dandam
Sansaro badan manangguangkan

Mande manangih indak amuah baranti
Anak kanduang bajalan ka subarang
Mandeh kanduang sabalah mananti
Denai pulang isuak kok lah jadi urang

Ambiak taruang ka diuokkan
Lunak saparo capek diangkekkan
Bialah pahik hiduik denai rasokan
Nak tahu pulo jo untuang badan

Padi dijamua ditumbuak tapuang
Buliah dibaok ka ujuang pandam
Sananglah mandeh di kampuang
Rantau diganggam pambangkik batang tarandam

Jo dadak ayam diagiah makan
Talua nan sapuluah nan diaramkan
Rindu ka mandeh tak takatokan
Jo aia mato denai lapehkan

Babaju hijau anak rang pakan
Umbai-umbai merah di tapi-tapinyo
Kok jaso mandeh kadikanakan
Bapasiang diri tak bisa juo ka mambalehnyo

Babuah batang kapunduang
Jatuah ciek bawo kapakan
Tunggulah denai mandeh kanduang
Badan diri ka panabuih jaso manggadangkan

Sirauik bao ka rimbo
Ambiak paukia injok lukah
Karam di lauik kito timbo
Ilang di tanah bak apolah

Cincin banamo ganto sori
Tidak tamuek di kalingkiang
Ilang kamano ka dicari
Lauik bapaga bakuliliang

Gadang-gadang kayu di rimbo
Sikaduduak danguang-mandanguang
Adang-adang hati paibo
Dima duduak dima bamanuang

Kalau ribuik muaro padang
Si ulando pasang mariam
Marayau kabuik di hati dagang
Dek alun tantu tampaik diam
Baca juga : Pantun Nasehat dan Agama dari Mamak Minangkabau
Sambilu sariak manganai tulang
Kuliknyo juo diladuangkan
Sajak ketek sampai ka gadang
Sakik nan tidak tatangguangkan

Kayu aro bapaga bukik
Bukik bapaga bilang-bilang
Sansaro bukan sadikik
Sajak ketek lalu ka gadang

Batu bulek batu basagi
Bak apo mamijakkannyo
Sudah tasurek di mantagi
Bak mano mailakkannyo

Balayia kapa dari padang
Masuak kualo pulau pinang
Alang sakiknyo di ambo surang
Kain basah kariang di pinggang

Gala banamo sutan mangkuto
Sutan babini ka tanah lintau
Tabayang duduak mandeh jo aia mato
Taragak jo anak nan jauah di rantau

Sa andai mangko bakato
Satolan mangko bajalan
Duduak surang ba sampik-sampik
Duduak basamo ba lapang-lapang
Pandai-pandai lah manyerakkan jalo
Lubuak nan banyak balarangan
Kok cabiak kanai pinjaik
Kamalah badan ka batenggang

Kok bulek samo digolong
Kok tipih samo dilayang
Rancak pikek jan lah sombong
Karano pitih ndak salamo nyo sanang

Bak kato ambai2 diguluang ombak
Bak padati indak ba ganto
Sungguah sansai di tingga amak
Denai tagamang dibueknyo

Kalau indak dirumpuik saruik
Indak pandan kabadarai
Kalau indak dek sarik hiduik
Indak badan kabacarai

Bialah kanji bacampua luo
Di makan urang di bawah talang
Bialah kini hati den taibo
Untuang kok isuak lai kasanang

Dirantang bana tali nan panjang
Dek takuik kusuik kini diputa
Mande kini bamanuang surang
Maranuang diri sambiah bado’a

Kurai taji balai sinayan
Urang tuo manggaleh lado
Capek kaki ringan tangan
Namun salero lapeh juo

Rang gadih ka tapi pantai
Ka pantai mambasuah kaki
Coitu bana lamaknyo patai
Nasi dimakan nan jo baki

alah tatuah di ranah minang
bujang minang rang bijaksano
manyingguang urang inyo bapantang
apo lai gadang nan ka malendo

***

Oh sanak di ranah minang
Indak kasadonyo anak rantau nan banasip elok
Indak saketek makan nan ndak batambuah
Banyak nan lalok indak bakaruah
Galeh takambang hari hujan
Kadai tabukak pasa langang
Jadi usah bakandak macam ragam
Jan baharok ameh jo perak
Mari kito susun jari nan sapuluah
Ambiak sajadah duduak basimpuah
Bado'a kito ka nan kuaso
Ka Allah swt sagalonyo

Demikianlah beberapa contoh Pantun Anak Rantau Minangkabau semoga bermanfaat dan dalam bagi anak rantau semuanya.

Sumber :


EmoticonEmoticon