Thursday, March 1, 2018

Pantun Ratok Anak Rantau Minangkabau

Pantun Ratok Anak Rantau Minangkabau- Banyak cara yang dilakukan untuk mengungkapkan perasaan, baik itu melalui lagu atau pun pantun. Contoh beberapa pantun di bawah ini yang menggambarkan Masyarakat Minangkabau yang merantau, sebelumnya bisa juga kamu lihat Pantun Anak Rantau Minangkabau
foto suasana musyawarah masyarakat minangkabau zaman dahulu
Berikut Pantun Ratok Anak Rantau Minangkabau

Bakelok jalan ka Lampuang
Luruih jalan ka Bangkinang
Mandaki jalan ka Lintau
Kok elok nasip di Kampuang
Haram bacarai jo Ranah Minang
Mangkonyo badan bawo Marantau

Sapangka urang ka Pasaman
Mambawo lamang jo samba randang
Tingga kampuang jo halaman
Tingga surau jo rumah gadang

Kaluak paku dimasak anduang
Dimakan katiko hari tarang
Hari tarang harinyo pakan
Dipaluak si mandeh kanduang
Mintak doa rasaki dirantau urang
Aia mato di suruakan

Bali sipadeh ka buah batu
Pulang lah malam ditarang bulan
Taisak mandeh duduak dipintu
Malapeh badan pai bajalan
Baca juga : Pantun Nasehat dan Agama dari Mamak Minangkabau
Panciang lauak si ikan pantau
Duduak tamanuang ateh pimatang
Takana puyuah diateh niru
Puyuah dapek dalam parangkok
Parangkok dibuek urang baso
Lah lamo iduik dirantau
Dapek pagi abih patang
Antah salah dek piluru
Antah cinapang anan bengkok
Ka Nan Kuaso di sarahkan

Itiak tabang pagi-pagi
Tabang diateh tali tarantang
Itiak nan banamo si itiak jawo
Walau satitiak dapek pagi
Sasuok dapek patang
Ranah Minang takana juo

Bali ikan ameh kasari lamak
Caliak tabuik ka pariaman
Baputa jalan ka limbukan
Pai basamo jo anak nunang
Badan lameh perasaan ndak lamak
Tapikia kampuang jo halaman
Rindu di dalam ndak tatahankan
Di paso badan ka Ranah Minang

Baburu mambawo parang
Rami urang sonsong manyonsong
Tibo malam tarang jo suluah
Tibo dikampuang rami nyo urang
Sarentak diam tatapan kosong
Badan mangigia kalua paluah
Rami urang ditanah darek
Rami nan datang dari padang
Mambawo anak jo kamanakan
Bawo baka jo kaluak paku
Kaki nan ringan taraso barek

Dielo kadalam rumah gadang
Tapakiak tangih ndak tatahankan
Mandeh kanduang tabujua kaku
Kumbali ka Allah nan Kuaso.



Oh yo Sanak, download aplikasi Pituah Adat minangkabau diplaystore sanak ko. Silahkan downloan melalui link di bawah ko sanak. Ado banyak pituah Adat dalam aplikasi ko yang bisa sanak baco